ചേതസ്സ് സത്യമേവ ജയതേ നാനൃതം
അകാലത്തിൽ പൊലിഞ്ഞ കുഞ്ഞു കവയിത്രി നിവിയാ മെർലിൻ എഴുതിയ കവിത :-
അമ്മയെന്ന രണ്ടക്ഷരമെത്ര മധുരം
അമ്മയാണെൻ ജീവിത മാതൃക,
താരാട്ടുപാടിയുറക്കുമെന്നമ്മയെ
സ്നേഹിക്കും ഞാനെന്നന്ത്യം വരെ.
അമ്മിഞ്ഞപ്പാലിൻ്റെ മാധുര്യം
ഓർക്കുന്നു ഞാനിന്നും !!
പിച്ചവയ്ക്കുമെൻ ബാല്യത്തിൽ
അടിതെറ്റി വീഴുന്ന നേരത്ത്,
ഓടിയണഞ്ഞ്, വാരിയെടുത്ത്,
മൂർദ്ധാവിലുമ്മവയ്ക്കുന്നതുമെന്നമ്മ
ആ കരസ്പർശവും, പരിലാളനവും,
എന്നമ്മതൻ ചുടുചുംബനങ്ങളും,
വാത്സല്യം തുളുമ്പുന്ന മിഴികളും
എനിക്കു മാത്രം സ്വന്തമല്ലോ !!
വേദനയും, കണ്ണീരുമുള്ളിലൊതുക്കി
സന്തോഷക്കുളിർമഴ പൊഴിക്കുമമ്മ!
അമ്മയെന്ന രണ്ടക്ഷരമുരുവിടാനായ
ഞാനു-
മെൻ ജീവിതവുമെത്ര ധന്യം !!
