സ്ത്രീധന തുക ബാക്കി കൊടുക്കാത്തതിന് പെങ്ങളെ വീട്ടിൽ തിരിച്ചാക്കി, കൊച്ചിനെ കാണാൻ ഉമ്മറംവരെ വല്ലപ്പോഴും വരുന്ന മരുമകനോട് കേറിയിരിക്കെന്ന് പറഞ്ഞ് ഉപ്പ ഉള്ളിലെല്ലാം വെച്ച് വെളുക്കെ ചിരിക്കും കഞ്ഞിക്കലമിറക്കി വെച്ച് വിളമ്പിക്കൊടുത്ത് അടുത്തിരിക്കുമ്പോൾ നീ തിന്നോടി എന്ന് ചോദിക്കുമ്പോൾ ഉമ്മാക്കുണ്ടൊരു വയറു …

മകനേ…. നിനക്ക് വേണ്ടി പാതിയിൽ മടക്കിവെച്ച എന്റെ കിനാവിന്റെ പുസ്തകം ഇപ്പോഴുമവിടെയുണ്ട്, ഇനി നീ ഒരു ചിരിയാൽ എന്റെ ചിതയ്ക്ക് തീ കൊടുത്തേയ്ക്കുക, ശേഷം അതൊന്ന് തുറന്ന് നോക്കുക, പൊട്ടിക്കരയാതെ വായിച്ചു തീർക്കുക, ഒരു കയ്യൊപ്പ് ചേർത്ത് നിന്റെ മകനുവേണ്ടി ഇതേ …

അച്ഛൻ വീടരികിലെത്തുംമുമ്പേ പടികടന്നെത്തിക്കും കാറ്റാ ചാരായചൂര്… ഓടിച്ചെന്ന് കീറപായയിൽ ഉടുക്കുക്കൊട്ടുന്ന ഹൃദയവുമായ് ഉറക്കമഭിനയിക്കും കുഞ്ഞുകണ്ണുകൾ… അന്തിക്കടംവാങ്ങിയ മണ്ണെണ്ണ തീർന്ന് മരണനൃത്തം ചവിട്ടുന്ന വിളക്കിനെ വലംകാലാൽ തട്ടിയകറ്റുമ്പോൾ പച്ചവെള്ളത്താൽ താളിച്ച മുരിങ്ങയിലക്കറി പറ്റിപ്പിടിച്ചു തേങ്ങും ചാണക തറയിൽ… കാലം കഞ്ഞിക്കലത്തിൽ വറുതി പുഴുങ്ങിയപ്പോൾ …