ചേതസ്സ് സത്യമേവ ജയതേ നാനൃതം
ഇന്ന് ലോക പരിസ്ഥിതി ദിനം,
മനുഷ്യനും പ്രകൃതിയും എന്ന വികലമായ ഒരു പ്രയോഗം തന്നെയുണ്ട് നമുക്കിടയിൽ!
സത്യത്തിൽ, പ്രകൃതി എന്ന് മാത്രം പറയുകയല്ലേ ശരിയായ രീതി?
അതെ !
മനുഷ്യൻ കൂടി ചേരുന്നതാണ് പ്രകൃതി!
കുരങ്ങിനാണോ അതിൻെറ വാലിനാണോ നീളം കൂടുതൽ എന്ന ചോദ്യത്തിന്, വാൽ കൂടി ചേരുന്നതല്ലേ കുരങ്ങ് എന്ന മറുചോദ്യം പോലെ പ്രസക്തമാണ് അത് !
ഭൂമിയിലുള്ള അറുനൂറിൽ പരം കോടി മനുഷ്യരും ഒരു ദിവസം അങ്ങ് മരിച്ചു പോകുന്നു എന്ന് വിചാരിയ്ക്കുക. പ്രകൃതിയ്ക്ക് ഒന്നും സംഭവിയ്ക്കില്ല. ഭൂമി സാധാരണ പോലെ തന്നെയിരിയ്ക്കും. പക്ഷേ ഭൂമിയിലെ സൂക്ഷ്മജീവികൾ ഇന്നുള്ളതിൻെറ പാതി നശിച്ചുപോയാലോ?
പ്രകൃതിയുടെ ദൈനംദിന പ്രവർത്തനങ്ങൾ പലതും താളം തെറ്റും. പുല്ല് തിന്നുന്ന പശു ചാണകമിടില്ല:
പുല്ല് തന്നെയേ വിസർജിയ്ക്കൂ.
പാല് പാലായി തന്നെയിരിക്കും
തൈരാവുകയില്ല
ജൈവ വസ്തുക്കൾ ഒന്നും തന്നെ വിഘടിയ്ക്കപ്പെടാതെ ഭൂമിയെ മൂടിക്കിടക്കും —-
അതെ ! ഈ മണ്ണിൻെറ ആവാസവ്യവസ്ഥയിൽ മനുഷ്യനുള്ള പ്രാധാന്യം വളരെ കുറവാണ്. ജൈവ ചക്രത്തിൻെറ അപ്രധാനമായ ഒരു (അവസാന ? )കണ്ണി മാത്രമായ മനുഷ്യൻെറ അനന്തമായ ആർത്തിയെ തൃപ്തിപ്പെടുത്തുന്നതിന് വേണ്ടി മുഴുവൻ പാരിസ്ഥിതിക ഘടകങ്ങളും സ്വയം നശിയ്ക്കുകയോ നശിപ്പിയ്ക്കപ്പെടുകയോ ചെയ്യണമെന്നത് എത്രമാത്രം അപകടകരമായ ധാരണയാണ് ‘
മനസ്സിലെ മരുഭൂമിയിൽ ഒരു പച്ചപ്പെങ്കിലും പാകിപ്പിടിപ്പിയ്ക്കാൻ നമുക്കാകട്ടെ!
എൻെറ പരിസ്ഥിതി സംബന്ധിയായ “ദുര”ന്തമുഖങ്ങൾ എന്ന കവിതയിൽ നിന്ന്
കുറേ ഭാഗങ്ങൾ ഇവിടെ കൊടുക്കുന്നു
“ദുര”ന്തമുഖങ്ങൾ
– – – – – – – – – – – – – – – – – – –